कांबळेश्वर येथे कृषी कन्यांचे आगमन ग्रामस्थांनी केले स्वागत

 

फलटण चौफेर दि ६ डिसेंबर २०२५

शेतक-यांच्या शेतीचा आणि दैनंदिन जीवनाचा अभ्यास करण्याच्या उ‌द्देशाने कांबळेश्वर, तालुका बारामती, जिल्हा पुणे येथे महात्मा फुले कृषि विद्यापीठ, राहुरी संलग्न फलटण एज्युकेशन सोसायटीचे कृषि महाविद्यालय फलटण च्या ग्रामीण जागरुकता कार्यानुभव कार्यक्रम आणि कृषि औदयोगिक संलग्नता उपक्रम २०२५-२६ अंतर्गत कृषि कन्यांचे आगमन झाले. ग्रामपंचायत पदाधिकारी आणि इतर ग्रामस्थांच्या वतीने स्वागत करण्यात आले.

यावेळी कांबळेश्वर गावाच्या सरपंच सौ मंदाकिनी शिवाजी कानडे, उपसरपंच  किरण आनंदराव आगवणे, सदस्या सौ. सीमा सचिन खलाटे तसेच गावचे ग्रामस्थ यावेळी उपस्थित होते.कृषि महाविद्यालय, फलटण चे प्राचार्य डॉ. यू.डी. चव्हाण, श्रीमंत शिवाजीराजे उ‌द्यानविद्या महाविद्यालय फलटणचे प्राचार्य डॉ. एस. डी. निंबाळकर, कार्यक्रम समन्वयक प्रा. निलिमा धालपे, कार्यक्रम अधिकारी प्रा. नितिशा पंडित आणि प्रा. सुरेश साळुंखे व डॉ प्रा. गणेश आडसुळ यांच्या मार्गदर्शनाखाली कृषिकन्या कु. गायकवाड श्रावणी हनुमंत, दिवाणे विजया बाजीराव, जाधव प्राजक्ता राहुल, जाधव शितल संतोष, जगताप अपूर्वा राजाराम, जगताप श्रुतिका रविंद्र, कदम वृषाली हनुमंत यांनी कांबळेश्वर येथील शेतक-यांचे अनुभव जाणून घेतले. यादरम्यान विद्यार्थिनींनी प्रत्यक्ष गावात जाऊन शेतकऱ्यांना येणाऱ्या अडचणी शेतक-यांचे जीवनमान त्यांच्या सामाजिक व आर्थिक स्थर गावातील पीक पद्धती नैसर्गिक संशोधने अशा विविध गोष्टींचा अभ्यास करणार आहेत. तसेच शेतकऱ्यांना माती परिक्षण व पाणी परिक्षण विविध पिकांवरील किड्यांचे व्यवस्थापन, हवामान तसेच रोग व आधुनिक तंत्रज्ञानाब‌द्दल या कृषि कन्या शेतक-यांना माहिती देणार आहेत व ग्रामीण कृषि कार्यानुभव कार्यक्रमांतर्गत या कृषिकन्या शेतकऱ्यांच्या शेतीचा आणि दैनंदिन जीवनाचा अभ्यास करणार आहेत.