फलटण चौफेर दि १५ ऑगस्ट २०२५
फलटण तालुक्यातील होळ (ता. फलटण) येथील शेखर नंदू भोसले हा ८ ऑगस्ट रोजी रात्री घरातून बाहेर पडून मित्राच्या गाडीवर बसून गेला. परंतु, सहा दिवस उलटून गेल्यावर त्याचा थेट मृतदेहच सापडल्याने परिसरात खळबळ उडाली आहे. हा अपघात नसून घातपातच असल्याचा गंभीर आरोप कुटुंबीयांनी केला आहे.
मिळालेल्या माहितीनुसार, ८ ऑगस्ट रोजी रात्री ९ वाजता शेखर हा वडगाव निंबाळकर येथील नवनाथ घोलप याच्या गाडीवर बसून गेला होता. दुसऱ्या दिवशी कुटुंबीयांनी चौकशी केली असता, नवनाथ घोलप याने शेखरला वडगाव निंबाळकर येथेच सोडल्याचे सांगितले.शेखरचा पत्ता लागेना म्हणून १२ ऑगस्ट रोजी फलटण ग्रामीण पोलीस ठाण्यात हरवल्याची तक्रार दाखल करण्यात आली. सततच्या शोधानंतर, आज (१४ ऑगस्ट) सायंकाळी सुमारे ४ वाजता बारामती तालुक्यातील मुढाळे येथे निरा डाव्या कालव्यात शेखरचा मृतदेह आढळला.
दरम्यान, हा अपघात नसून घातपात असल्याचा संशय शेखरचा भाऊ सागर भोसले याने व्यक्त केला आहे. पोलीसांनी याबाबत पुढील तपास सुरू केला आहे.
.jpeg)
