फलटण चौफेर दि ११
बोपेगाव तालुका वाई गावाच्या हद्दीतील हॉटेल कोहिनूर येथे दि २२ फेब्रुवारी रोजी रात्री १० ते १०.३० वाजण्याच्या सुमारास जेवणासाठी स्लीपर कोच ए.सी.डॉल्फीन ट्रॅव्हल्स क्र एमपी०९डीडी १९५४ ही थांबलेली असताना फिर्यादी जेवण करणेसाठी हॉटेलमधे गेले असता त्यादरम्याण सदर टूव्हल्सचे सीट नंबर २५ एल वर ठेवलेले लगेज बॅग मधील फिर्यादीचे ताब्यातील ९६ लाख रुपये सदर ट्रष्हल्स मधे प्रवास करणारे दोन अनोळखी व्यक्तींनी चोरून नेण्याची घटना घडली होती याबाबत भुईंज पोलिसांनी उत्तर प्रदेश मधून दोन परप्रांतीय चोरट्यांना अटक केली असून हसन जुम्मन मोहम्मद वय २२ रा. भवानीगड, महाराजगंज, जिल्हा रायबरेली व इस्तियाक जान मोहम्मद वय २१ वर्ष, रा. पडरिया, महाराजगंज, जिल्हा रायबरेली, राज्य उत्तरप्रदेश अशी अटक केलेल्यांची नावे आहेत याबाबत भुईंज पोलीस स्थानकातून मिळालेली अधिक माहिती अशी,या गुन्हयात चोरीस गेलेली रक्कम मोठी असल्याने समीर शेख, भापोसे, पोलीस अधीक्षक सातारा, श्रीम. आंचल दलाल, अपर पोलीस अधीक्षक सातारा, बाळासाहेब भालचिम, उपविभागीय पोलीस अधिकारी, वाई विभाग, अरुण देवकर, पोलीस निरीक्षक स्थानिक गुन्हे शाखा सातारा यांनी सदरचा गुन्हा उघड करण्याच्या सुचना दिल्या होत्या, त्याप्रमाणे सदर चोरीचा गुन्हा घडकीस आणणेकरीता सपोनि रमेश गर्जे यांचे मार्गदर्शनाखाली गुन्हे प्रकटीकरण शाखा भुईज चे एक पथक तयार करण्यात आले होते. सदर पथकाने घटनास्थळचे आसपासचे सीसीटीव्ही फुटेजची बारकाईने पाहणी केली. त्यामध्ये २ संशयित इसमांच्या हालचाली संशयास्पद आढळून आल्या. त्या अनुषंगाने तांत्रिक विश्लेषनावरुन एक संशयित आरोपी हा नवी दिल्ली येथे व दुसरा उत्तरप्रदेश येथे चोरी केल्यानंतर गेल्याची खात्री झाली. त्यानुसार मा. पोलीस अधीक्षक सातारा, मा, अपर पोलीस अधीक्षक सातारा, मा. उपविभागीय पोलीस अधिकारी वाई तसेच पोलीस निरीक्षक स्थानिक गुन्हे शाखा सातारा यांचे मार्गदर्शनाखाली भुईज पोलीस ठाणेकडील गुन्हे प्रकटीकरण शाखेचे पथक नवी दिल्ली येथे आरोपीचा शोध घेणेकरीता रवाना झाले. दरम्यान पोलीस पथक दिल्ली येथे पोहोचल्यानंतर सदर आरोपी हा दिल्ली येथून उत्तर प्रदेशला निघून जात असलेचे समजले, त्याप्रमाणे त्याचा दिल्ली येथून सुमारे ६०० किलोमीटर पाठलाग करत त्याला त्याचे गाव भवानीगड, रायबरेली जिल्हा, राज्य उत्तरप्रदेश येथून ताब्यात घेतले. त्याला विश्वासात घेवून त्याचेकडे कौशल्यपुर्वक तपास करुन गुन्हयातील चोरीस गेलेली ८३लाख रुपये रोख रक्कम हस्तगत केली आहे. त्यानंतर त्याचेकडे विचारपुस करुन गुन्हयातील दुस-या आरोपीचा शोध घेवून त्यालाही पडरिया, महाराजगंज रायबरेली जिल्हा, राज्य उत्तरप्रदेश येथून ताब्यात घेतले आहे. गुन्हयातील तीसरा आरोपी सदर ट्रॅव्हल्सचा क्लिनर याचा शोध सुरु आहे अशा प्रकारे गुन्हयातील दोन अनोळखी आरोपींना निष्पन्न करुन त्यांना परराज्यातुन अटक करुन त्यांचेकडून गुन्हयातील चोरीस गेलेल्या रक्कमेपैकी ८३ लाख रुपये रोख रक्कम हस्तगत करण्यात भुईज पोलीसांना यश मिळाले समीर शेख, भापोसे पोलीस अधीक्षक सातारा, मा. आंचल दलाल, अपर पोलीस अधीक्षक सातारा, श्री.बाळासाहेब भालचीम, उपविभागीय पोलीस अधिकारी, वाई, श्री. अरुण देवकर, पोलीस निरीक्षक, स्थानिक गुन्हे शाखा सातारा यांचे मार्गदर्शनाखाली भुईंज पोलीस स्टेशनचे सपोनि रमेश गर्जे, पो. उप-नि. विशाल भंडारे, पोउनि रत्नदिप भंडारे, पोलीस अंमलदार वैभव टकले, नितीन जाधव, सोमनाथ बल्लाळ, रविराज वर्णेकर, सागर मोहिते, किरण निंबाळकर, राजेश कांबळे, अजय जाधव तसेच सातारा सायबर सेलचे पोलीस अंमलदार यांनी या कारवाईत सहभाग घेतला असुन कारवाईमध्ये सहभागी अधिकारी व अंमलदार यांचे मा. पोलीस अधीक्षक सातारा, मा.अपर पोलीस अधीक्षक सातारा तसेच मा. उपविभागीय पोलीस अधिकारी, वाई यांनी अभिनंदन केले
.jpeg)
