सामूहिक अत्याचाराच्या घटनेने फलटण तालुका हादरला! मजूर महिलेवर सामूहिक अत्याचार प्रकरणी सोनवडीच्या 5 जणांविरोधात गुन्हा दाखल 202312

 

साखरवाडी(गणेश पवार)

फलटण तालुक्यातील सोनवडी बुद्रुक येथे सामूहिक अत्याचाराची धक्कादायक घटना घडली आहे एका  मजूर महिलेवर 5 नराधमांनी अत्याचार केला असून  पाच जणांविरोधात ॲट्रॉसिटी व अत्याचार विरोधी कायद्यांतर्गत फलटण ग्रामीण पोलीस स्थानकात गुन्हा दाखल झाला आहे हसन शेख वय 26 रा सोनवडी बुद्रुख ता फलटण व त्याच्या इतर चार अनोळखी  साथीदार यांच्यावर गुन्हा दाखल झाला आहे

 फलटण ग्रामीण पोलीस स्थानकातून मिळालेल्या व पीडितेने  दिलेल्या फिर्यादीनुसार संशयित हसन  शेख यांने पीडितेच्या पतीला दहा हजार रुपये देऊन त्याच्याकडे कामाला ठेवले होते व  दिनांक 19 जून रोजी फिर्यादीच्या मुलांना आरोपीने स्वतःच्या ताब्यात ठेवून पतीला कामाला लावून रात्री  ८.३० ते २० जून रोजी पहाटे ४ वाजण्याच्या दरम्यान फिर्यादीच्या  मनाविरुद्ध संशयित व त्याच्या चार साथीदारांनी  अत्याचार केल्याचे  व याबद्दल कोणाला सांगितल्यास मुलाला मारून टाकण्याची धमकी दिल्याचे फिर्यादीत म्हटले आहे सदर घटनेने सम्पूर्ण फलटण तालुक्यात खळबळ उडाली आहे गुन्ह्याचा पुढील अधिक तपास उपविभागीय अधिकारी राहुल धस करीत आहेत.