साखरवाडी (गणेश पवार)
प्रधानमंत्री किसान सन्मान निधी योजना आणि नमो शेतकरी महासन्मान निधी योजने संदर्भात आढावा बैठक फलटणचे उपविभागीय अधिकारी सचिन ढोले यांच्या मार्गदर्शनाखाली संपन्न झाली
या आढावा सभेसाठी तहसीलदार अभिजित जाधव, तालुका कृषी अधिकारी सागर डांगे, पंचायत समितीचे कृषी अधिकारी नवनाथ फडतरे, मुख्य प्रबंधक व शाखा प्रबंधक बँक ऑफ महाराष्ट्र (लीड बँक) आकाश सिंह, सातारा जिल्हा मध्यवर्ती सहकारी बँकेचे विभागीय विकास अधिकारी अजित निंबाळकर, सहाय्यक निबंधक सहकारी संस्था प्रतिनिधी शेखर साळुंखे,वरिष्ठ प्रबंधक इंडियन पोस्ट पेमेंट बँक सातारा संतोष कुमार सिंह, कृषि अधिकारी प्रमोद जाधव,कृषी विभागाचे मंडळ कृषी अधिकारी व कृषी पर्यवेक्षक उपस्थित होते.
या बैठकीमध्ये उपविभागीय अधिकारी यांनी प्रलंबित पात्र लाभार्थ्यांचे ईकेवाय सी आधार सिडींग, लँड सिडींग पूर्ण करणे,मयत लाभार्थी याद्या ग्रामविकास विभागाने सादर करणे,लीड बँक, डीसीसी, आयपीपीबी यांनी आधार सिडींग चे काम पूर्ण करणे याकरिता ग्रामस्तरावर कॅम्प चे आयोजन करणे ईकेवायसी आणि आधार सिडींग चे काम सर्व विभागांनी समन्वय ठेऊन लवकरात लवकर पूर्ण करून ईकेवायसी करिता ग्रामपंचायत स्तरावरील ऑपरेटर यांनी मदत करावी,इंडियन पोस्ट पेमेंट बँक मार्फत ग्राम स्तरावर कॅम्प चे आयोजन करून खाते काढणे, आधार सिडींग करणे, ईकेवायसी करणे, आधार आणि मोबाईल नंबर लिंक करणे याबाबत कार्यवाही केली जाईल अशा सूचना केल्या तसेच सध्या फलटण तालुक्यामध्ये या योजनेचा लाभ ५३८९१ शेतकरी घेत असल्याचे सांगितले
.jpeg)
