बैलगाडा शर्यतीचे आयोजन योग्य पध्दतीने न करणे आयोजकांच्या अंगलट एकुण २० जणांविरोधात गुन्हा दाखल .

 

साखरवाडी (गणेश पवार)

 दि . १५ रोजी  पवारवाडी ता . फलटण बैलगाडा शर्यतीचे आयोजन योग्य पद्धतीने न केल्याने वीस जणांवर फलटण ग्रामीण  पोलिस स्थानकात गुन्हा दाखल झाला असून तिथून मिळालेल्या अधिक माहितीनुसार, पवारवाडी येथील जमीन गट नं . ५७ मधील विनायक सदाशिव मोहिते यांचे शेतजमीनीमध्ये गावच्या ज्योतिर्लिंग  यात्रेनिमित्त नितीन जगन्नाथ वरे व त्यांच्या इतर सहका - यांनी बैलगाडा शर्यतींचे आयोजन केले होते . त्याठिकाणी सहाय्यक पोलीस निरीक्षक सोनवणे,स.पो.फौ. सूर्यवंशी ,व त्यांचे सहकारी बंदोबस्ता करीता सदर ठिकाण काळी ०८.०० वा . पासून हजर होते . सदर बैलगाडा शर्यतीच्या आयोजकांनी प्रशासनाकडुन रितसर परवानगी घेतल्यामुळे फलटणच्या नायब तहसिलदार  दिपाली  बोबडे  , आसूचे मंडलाधिकारी कोकरे  देखील बैलगाडा शर्यतीच्या ठिकाणी उपस्थित होते . बैलगाडा शर्यती पाहण्यासाठी आलेल्या लोकांपैकी एक इसम त्याचे नातेवाईकांची बैलगाडी शर्यतीमध्ये उतरविण्यासाठी सदर बैलगाडा शर्यतीचे आयोजक नितीन जगन्नाथ वरे  यांना आग्रह धरत होता . त्यास आयोजकाने नकार देताच त्या दोघांमध्ये शाब्दीक वादावादी सुरु झाली . त्यांचा वाद पाहून बैलगाडा शर्यत पाहण्यासाठी आलेले व बैलगाडा शर्यतीचे आयोजक असे दोन्ही बाजूचे लोक त्या भांडणामध्ये पडुन आरडाओरडा करीत एकमेकांना धक्काबुक्की करून करुन सार्वजनिक शांतता बिघडवत  असल्याने त्यांच्यावर भा द वि स १६० अन्वये गुन्हा दाखल करण्यात आला असून गुन्हा दाखल झालेली नावे पुढीलप्रमाणे नितीन जगन्ना वरे , सुहास आनंदराव पवार,विकास ज्ञानदेव वरे, चंद्रकांत दत्तात्रय पवार ,अजित पोपटराव हजारे,राजेंद्र भानुदास पवार ,सुधीर मारुती पवार , राहुल जगन्नाथ वरे ,धनराज बाळासाहेब पवार, वैभव महादेव पवार,चांगदेव बसंत चव्हाण, गणेश संभाजी चव्हाण, शिवाजी रामचंद्र कदम,बाळु सोपान जगदाळे, राजेंद्र संपत चव्हाण, सर्व रा . पवारवाडी , ता फलटण  तसेच बैलगाडा शर्यती पाहण्यासाठी आलेल्या लोकांपैकी  तानाजी मधुकर गुरव ,दत्तात्रय भाऊसो गावडे,किशोर भगवान भोसले , बाळासाहेब नारायण यादव,हनुमंत महादेव खारतोडे सर्व रा . पवारवाडी , ता . फलटण जि . सातारा यांना ताब्यात घेवून सदर आरोपी विरुध्द फलटण ग्रामीण पोलीस ठाणे भादविस कलम १६० प्रमाणे गुन्हा दाखल करून सर्व आरोपीस ताब्यात घेवून आरोपी सी.आर.पी.सी. ४१ अ ( १ ) प्रमाणे नोटीस देवुन सोडण्यात आलेले आहे . सदर गुन्हयाचा तपास  एस एस . सुर्यवंशी सहा पोलीस फौजदार हे करीत आहेत .