साखरवाडी ता फलटण येथील श्रीदत्त इंडिया कंपनीच्या साखर व डिक्सलरी विभागास ब्राझीलच्या बी पी बुंगे बायोएनर्जीया या साखर कारखान्याच्या उत्पादन व संशोधन विभागाच्या वरिष्ठ अधिकाऱ्यांनी नुकतीच भेट दिली.याभेटीवेळी टॉमस, क्लिबर,डेबोरा व त्वाईस यांचा समावेश होता.यावेळी श्रीदत्त इंडियाच्या प्रशासन अधिकारी अजितराव जगताप यांनी त्यांचे शाल व श्रीफळ देऊन स्वागत केले. याभेटी दरम्यान बी पी बुंगे बायोएनर्जीया कंपनीचे वरिष्ठ अधिकारी टॉमस म्हणाले की,श्रीदत्त इंडिया कंपनीने अवघ्या 8 महिन्यामध्ये डिक्सलरी प्रकल्प उभारून त्यामधून उत्पादन चालू केले ही सोप्पी गोष्ट नाही तसेच कारखान्याच्या विस्तारीकरणाचे व कोजनरेशनचे काम सुद्धा अतिशय नेटक्या नियोजनाने सुरू असून पुढील वर्षीचा गळीत हंगाम श्रीदत्त इंडिया अतिशय जोमाने पार पाडेल यात शंका नाही.यावेळी कारखान्याचे चीफ इंजिनीअर किरण पाटील,राजेंद्र भोसले, चीफ केमिस्ट नागेश पवार,डिक्सलरीचे जी एम राहुल टिळेकर,मॅनेजर विजय जगताप,एच आर विराज जोशी,ऋतुराज पाटील,पर्यावरण अधिकारी सचिन भोसले,आयटी इंजिनियर बाबासाहेब जाधव इत्यादी अधिकारी उपस्थित होते.
.jpeg)
