फलटण चौफेर दि १७ ऑगस्ट २०२५ के. बी. एक्स्पोर्ट फलटण येथील कंपनीकडून खंडणी मागून संचालक सचिन यादव यांची बदनामी केल्याप्रकरणी एका विरोधात फलटण शहर पोलिस ठाण्यात गुन्हा दाखल झाला आहे. सनी घनश्याम काकडे (रा. मंगळवार पेठ, फलटण) असे संशयिताचे नाव आहे.
फलटण शहर पोलिसांनी दिलेल्या माहितीनुसार, बुधवार दि. १३ रोजी सायंकाळी ७ वा. एका व्हाट्सअप ग्रुपवरती संशयित सनी काकडे याने के.बी. एक्सपोर्ट कंपनीत संचालक सचिन यादव यांच्या काळात शेतकऱ्यांची लबाडणूक चालू आहे. अशा आशयाचा कंपनीस व यादव यांना बदनाम करणारा मेसेज व्हायरल केला नवीन मुद्दे लवकरच असेही मेसेजमध्ये लिहिले असल्याचे फिर्यादी संदीप शिंदे यांनी फिर्यादीत म्हटले आहे तसेच सनी काकडे यांना रात्री महात्मा फुले चौक येथे भेटून कंपनीची बदनामी का करता? असे विचारले असता तेव्हा काकडे यांनी कंपनी आमच्याकडे लक्ष देत नाही. कंपनीकडून मला दहा लाख रुपये द्या. नाहीतर कंपनीची बदनामी करत राहीन. तुमच्या मॅनेजमेंट विरोधात खोटे गुन्हे दाखल करीन. फलटण तालुक्यात कंपनी चालू देणार नाही, अशी धमकी दिली. मला आत्ता ३५ हजार रुपये द्या. मी पुढचे मेसेज थांबवतो असे सांगितले. त्यानंतर फिर्यादी शिंदे यांनी ३३ हजार रुपये सनी काकडे यांना दिले. उरलेली रक्कम दोन दिवसात मिळाली नाही तर तुमची कंपनी तालुक्यात चालू देणार नाही. पोलीस ठाण्यात तक्रार दिली तर तुला ठार मारीन, असे धमकावल्याचे फिर्यादीत शिंदे यांनी म्हटले आहे. घटनेची नोंद फलटण शहर पोलीस ठाण्यात झाली आहे.
.jpeg)
