फलटण चौफेर दि २३ मे २०२५: फलटण लोणंद पालखी महामार्गावर काल रात्री अंदाजे ९:३० ते १०:०० वाजण्याच्या सुमारास अज्ञात वाहनाच्या धडकेत एका ३५ ते ४० वयोगटातील अज्ञात पुरुषाचा जागीच मृत्यू झाल्याची दुर्दैवी घटना घडली.ही दुर्घटना सुरवडी गावाच्या हद्दीत, जगताप मळा या ठिकाणच्या ओढ्यावरील पुलानजीक घडली. घटनेची माहिती मिळताच फलटण ग्रामीण पोलीस स्टेशनचे कर्मचारी तात्काळ घटनास्थळी दाखल झाले. त्यांनी मृतदेह ताब्यात घेवून खाजगी रुग्णवाहिकेतून फलटण उपजिल्हा रुग्णालयात पुढील कार्यवाहीसाठी पाठवला.अपघाताचे नेमके कारण आणि मृत व्यक्तीची ओळख अद्याप स्पष्ट झालेली नाही. याप्रकरणी फलटण ग्रामीण पोलीस अधिक तपास करत आहेत.
.jpeg)
