सहाय्यकाने घेतलेल्या लाच प्रकरणी तहसीलदार सहआरोपी

 

फलटण चौफेर दि २९ एक वर्षांपूर्वी  वडूज तहसील कार्यालयातील महसूल सहाय्यक प्रवीण नांगरे याने तक्रारदाराचे दोन डंपर सोडवण्यासाठी घेतलेल्या  घेतलेल्या ५५ हजार रुपयांच्या लाच प्रकरणी लाचलुचपत प्रतिबंधक विभागाने(एसीबी) गुन्हा दाखल केला होता एसीबीच्या अधिक तपासामध्ये  विद्यमान तहसीलदार बाई माने यांच्यासह आणखी ३ तलाठ्यांचा सहभाग असल्याचे समोर आले आहे. त्यानुसार मूळ गुन्ह्यातील कलमांमध्ये वाढ करून बाई माने व तलाठ्यांना सहआरोपी करण्यात आले आहे. लाचलुचपत प्रतिबंधक विभागाच्या (एसीबी) या कारवाईने महसूल विभागात खळबळ उडाली आहे.वडूज तहसीलदार बाई सर्जेराव माने, वडूज तहसीलमधील महसूल सहायक रवींद्र आनंदा कांबळे, औंध तलाठी धनंजय तडवळेकर, भोसरे तलाठी गणेश मोहन राजमाने अशी नव्याने गुन्ह्यात सहआरोपी झालेल्यांची नावे असल्याचे माहिती सातारा एसीबी पोलीस उपाधीक्षक राजेश वाघमारे यांनी दिली