जुन्या भांडणाच्या रागातून तिघांना मारहाण शहर पोलीस ठाण्यात आठ जनांविरोधात गुन्हा दाखल 202328

 

साखरवाडी(गणेश पवार)

जुन्या भांडणाच्या रागातून 

तीन जणांना मारहाण केल्या प्रकरणी फलटण शहर पोलीस स्थानकात आठ जणांच्या विरोधात  गुन्हा दाखल करण्यात आला आहे.

फलटण शहर पोलिस ठाण्यातून मिळालेल्या माहितीनुसार, दिनांक 17 रोजी रात्रौ 9:30 वाजण्याच्या सुमारास नामशेजारी पेट्रोल पंपाजवळ फिर्यादी निखिल सुनिल देडगे (रा. यामाहा शोरूम शेजारी लक्ष्मीनगर, फलटणा ता. फलटण जि. सातारा) यांचे मामा सोमनाथ महादेव खुडे यांचे टपरीवर फिर्यादी बसले असताना दोन मोटारसायकल वर गडसोली मैदान येथली  रिहान इनामदार, साहील इनामदार, तौफीक इनामदार, अझहर शेख असे चार जण टपरीवर येवुन काही एक कारण नसताना चौघांनी शिवीगाळ करून फिर्यादी याला टपरी बाहेर ओढून रिहान अस्लम इनामदार याने त्याचे हातातील लाकडी दांडक्याने फिर्यादी डोक्यात  मारले व तौफिक इनामदार याने फिर्यादीच्या धरून गालावर चापट मारली व साहील इनामदार याने त्याचे हातातील लोखंडी पाईपने फिर्यादीच्या दोन्ही हातावर मनगटावर डाव्या पायाचे नडगीवर मारले व साहील इनामदार याने कोयत्याने उजव्या पायावर मारून जखमी केले त्यावेळेस अजहर याने लाथाबुक्यांनी मारहाण करून शिवीगाळ करीत होता त्यावेळी फिर्यादीचा मामा सोमनाथ महादेव खुड़े हे आले व ते सोडवासोडव करीत असताना मोटारसायकलवरुन आलेल्या ईतर चार जणांनी मामा सोमनाथ याला सुद्धा आठ जणांनी मारहाण करण्यास सुरुवात केली फिर्यादीचा मामा सोमनाथ याचे पाठीवर लाकडी दांडक्याने मारहाण केली. त्यावेळी फिर्यादीची मावशी शालन विकास भिसे सदर भांडणे सोडवणेकरीता आली असता ढकलून देवून पायावर दांडक्याने मारहाण केली. याप्रकरणी रिहान इनामदार, साहील इनामदार, तौफीक इनामदार, अझहर शेख व ईतर चार जण अशा आठ संशयितांविरोधात  फलटण शहर पोलिस ठाण्यात गुन्हा दाखल करण्यात आला आहे.