.jpeg)
साखरवाडी(गणेश पवार) वाखरी ता फलटण येथे सामायिक मोटारीचा फ्युज काढला असता तो मागण्यास गेलेल्या महिलेस मारहाण व विनयभंग केल्याप्रकरणी दोन जणांच्या विरोधात ग्रामीण पोलिस ठाण्यात गुन्हा दाखल करण्यात आला आहे.
फलटण ग्रामीण पोलिस ठाण्यातून मिळालेल्या माहितीनुसार, दिनांक २० रोजी रात्री १०:३० वाजण्याच्या सुमारास मौजे वाखरी तालुका फलटण गावाच्या हद्दीत पिंपळाचा मळा नावचे फिर्यादी महिलेच्या सामायिक मोटारीचा फ्युज केतन दत्तात्रय ढेकळे व मेघनाथ भैरवनाथ ढेकळे (दोन्ही रा. वाखरी ता. फलटण जि. सातारा) यांनी
काढला होता तो फ्युज फिर्यादी व फिर्यादीचे पती मागण्यास गेल्यावर केतन ढेकळे व मेघनाथ ढेकळे यांनी फिर्यादीचे पतीला व फिर्यादी महिलेला हाताने लाथा बुक्क्याने मारहाण करून शिवीगाळ दमदाटी केली व केतन ढेकळे यांनी फिर्यादीचा उजवा हात धरून त्याचे जवळ ओढले व फिर्यादी महिलेच्या मनास लज्जा उत्पन्न होईल असे कृत्य केले. याप्रकरणी फिर्यादी महिलेने दिलेल्या फिर्यादीवरून ग्रामीण पोलिस ठाण्यात केतन ढेकळे व मेघनाथ ढेकळे या दोघांच्या विरोधात गुन्हा दाखल करण्यात आला असून अधिक तपास पो हवा कदम करत आहेत.
.jpeg)
