साखरवाडी (गणेश पवार)
महाराष्ट्र राज्यासह संपूर्ण भारत देशाचे आराध्य दैवत असलेल्या छत्रपती शिवाजी महाराजांची जयंती परंपरे प्रमाणे फलटण शहराबरोबर संपूर्ण तालुक्यात मोठया उत्साहात साजरी केली जाते त्यानुसार दि 22 रोजी साखरवाडी ता फलटण येथे अतिशय भव्य, दिव्य मिरवणुकीने शिवजयंती साजरी करण्यात आली ढोल ताशे, हलगी व डीजे च्या तालात फटाक्यांच्या आतीषबाजीत 'जय भवानी जय शिवाजी' च्या जयघोषाने परिसर दणाणून गेला होता.
प्रारंभी रायगडावरून आणलेल्या ज्योतीची पिंपळवाडी गावातून साखरवाडी बाजार पेठेतून भव्य मिरवणूक काढण्यात आली त्यानंतर मिरवणूक मुख्य चौकात आल्यानंतर महिलांच्या हस्ते यावेळी छत्रपती शिवाजी महाराजांच्या अश्वारूढी पुतळ्याला जल व दुग्धभिषेक करण्यात आला. सायंकाळी शिवाजी महारांजाच्या पुतळ्याला जिल्हा परिषदेचे माजी अध्यक्ष संजीवराजे नाईक निंबाळकर यांच्या हस्ते पुतळ्यास पुष्पहार घालून अभिवादन करण्यात आले यावेळी निघालेल्या भव्य शोभा यात्रेत बजरंगबली हनुमानांच्या जिवंत देखावा प्रमुख आकर्षण ठरले होते. यावेळी शिवजन्मोत्सव सोहळा समितीचे सर्व कार्यकर्ते व साखरवाडी पंचक्रोशीतील हजारो शिवप्रेमी उपस्थित होते.
.jpeg)
