'श्रीदत्त इंडियाच्या'कामगारांना 20 टक्के बोनस जाहीर 'न्यू फलटण शुगर' काळातील थकीत देणी देणार

साखरवाडी(गणेश पवार)

साखरवाडी तालुका फलटण येथील श्रीदत्त इंडिया साखर कारखान्याच्या कामगारांना यावर्षी  दिवाळी बोनस 20 टक्के व न्यू फलटण शुगर वर्क्स' काळातील कामगारांच्या थकीत देण्यापैकी भविष्य निर्वाह निधीची रक्कम जी  न्यायप्रविष्ठ  असल्याने ती सोडून इतर सर्व थकीत देणी  देण्याचा निर्णय घेण्यात आला आहे तसेच कामगारांना 10 किलो मोफत साखर देणार असल्याचे यावेळी  कंपनी प्रशासनाने जाहीर केले  आज दि 13 रोजी विधान परिषदेचे माजी सभापती श्रीमंत रामराजे नाईक निंबाळकर यांच्या पुणे येथील निवासस्थानी झालेल्या बैठकीत हा निर्णय घेण्यात आला.महाराष्ट्र राज्य साखर कामगार युनियनचे तात्यासाहेब काळे, फलटण तालुका साखर कामगार युनियनचे पदाधिकारी व श्री दत्त इंडिया चे संचालक जितेंद्र धारु यांच्यामध्ये झालेल्या बैठकीत हा निर्णय घेण्यात आला. फलटण तालुका साखर कामगार युनियनच्यावतीने यावेळी श्री दत्त इंडिया प्रशासन ,श्रीमंत रामराजे नाईक निंबाळकर, कंपनीचे संचालक जितेंद्र धारु, तात्यासाहेब काळे यांचे पुष्प गुच्छ देऊन कामगारांच्या वतीने आभार मानण्यात आले. यावेळी बैठकीस कंपनीचे मुख्य प्रशासकीय अधिकारी अजितराव जगताप फलटण तालुका साखर कामगार युनियनचे सेक्रेटरी राजेंद्र भोसले, उपाध्यक्ष बाळासाहेब भोसले, राजेंद्र गायकवाड,गोरख भोसले, पै संतोष भोसले, संजय जाधव, ग्रामपंचायत सदस्य मच्छिंद्र भोसले,एच आर विराज जोशी उपस्थित होते.