साखरवाडी गणेश पवार
सुरवडी तालुका फलटण गावच्या ग्रामदैवत भैरवनाथ यात्रेच्या निमित्ताने सुरवडी ग्रामपंचायत व यात्रा कमिटीने संपूर्ण सातारा जिल्ह्यात आदर्शवत उपक्रम राबवित फक्त महिलांसाठी 'महाराष्ट्राची गौरवगाथा' या आपल्या संस्कृतीचे दर्शन घडवणारा मनोरंजनाचा कार्यक्रम आयोजित केला होता या कार्यक्रमाला सुरवडी गावातील व आसपासच्या वाड्या वस्त्यांवरील हजारो महिलांची उस्फूर्त उपस्थिती होती.
वास्तविक गावची यात्रा म्हटले की तमाशा व ऑर्केस्ट्रा असे कार्यक्रम यात्रा कमिटी कडून आयोजित केले जातात यावेळी पुरुष व तरुणांची या कार्यक्रमाला जास्त गर्दी असते व मैदानाच्या एका कोपऱ्यात फक्त हाताच्या बोटावर मोजण्याच्या इतक्याच महिला उपस्थित असतात अशावेळी थिल्लर गाण्यांवर विक्षिप्त नाचगाणे करून तरुण व काही मद्यपी आरडाओरडा करीत असल्याने महिलांना अशा कार्यक्रमांना उपस्थित राहण्यात मर्यादा येतात व बऱ्याचशा महिला अशा कार्यक्रमांना उपस्थित राहण्याचे टाळतात. मात्र या सर्व गोष्टींना फाटा देत सुरवडी ग्रामपंचायत व भैरवनाथ यात्रा कमिटी यांनी या वर्षी नवीन प्रथा पाडत दिनांक 20 एप्रिल रोजी फक्त महिलांसाठी 'महाराष्ट्राची गौरवगाथा' हा महाराष्ट्राची सांस्कृतिक ओळख दाखवणारा लोकगिते व भावगीतांचा कार्यक्रम आयोजित केला या कार्यक्रमाला गावातील महिलांनी उस्फूर्त प्रतिसाद देत अशा स्वरूपाचा कार्यक्रम आयोजित केल्यामुळे ग्रामपंचायत व यात्रा कमिटीचे विशेष आभार मानले यावेळी कार्यक्रमाला महिलांची उपस्थिती लक्षणीय होती.
.jpeg)
