फलटण चौफेर दि १९ ऑगस्ट २०२५
फलटण तालुक्यातील मौजे निरगुडी येथील विकास बबन सस्ते व त्याची पत्नी मनिषा विकास सस्ते यांच्याविरोधात तब्बल १ कोटी ४४ लाख २१ हजार ६५० रुपयांची फसवणूक केल्याप्रकरणी फलटण शहर पोलिस ठाण्यात गुन्हा दाखल करण्यात आला आहे.
तक्रारदार कृष्णात वसंत जाधव (रा. आसु, ता. फलटण) यांच्यासह अनेक गुंतवणूकदारांना शेअर मार्केट व डाळिंब खरेदी-विक्री (राजलक्ष्मी इंटरप्रायजेस) या व्यवसायात गुंतवणूक करून चांगला परतावा मिळेल, असा विश्वास संपादन करून मोठ्या प्रमाणात आर्थिक फसवणूक करण्यात आल्याचे तक्रारीत म्हटले आहे
याबाबत फलटण शहर पोलीस स्थानकातून मिळालेल्या माहितीनुसार फिर्यादी कृष्णात जाधव यांनी ३० लाख रुपयांची गुंतवणूक केली होती. त्यासाठी नोटरी करारनामा करून प्लॉट सिक्युरिटी म्हणून दिला होता. मात्र कालांतराने परतावा न देता फसवणूक करण्यात आली. तसेच इतर गुंतवणूकदार – गणेश जगदाळे (१७.८० लाख), दिपक जगदाळे (१५ लाख), संदिप टोणगे (१७.५० लाख), दयानंद वाघमोडे (३.६३ लाख), सचिन तारे (४६.२८ लाख), धिरज जाधव (८ लाख) यांच्यासह अनेकांनी गुंतवणूक केल्याची नोंद असून त्यांनाही परतावा न देता फसवणूक करण्यात आली आहे.एकूण सात जणांची १ कोटी ४४ लाख २१ हजार ६५० रुपयांची फसवणूक झाल्याचे तक्रारीत नमूद असून या प्रकरणी फलटण शहर पोलिस ठाण्यात गुन्हा दाखल करण्यात आला आहे. या प्रकरणाचा पुढील तपास सहाय्यक पोलीस निरीक्षक नितीन नम करीत असून, विकास बबन सस्ते व मनिषा सस्ते यांनी इतर कोणाची फसवणूक केली असल्यास संबंधितांनी पोलिस ठाण्यात संपर्क साधावा, असे आवाहन करण्यात आले आहे.
.jpeg)
