वडजल श्रीमंत शिवाजीराजे उद्यानविद्या महाविद्यालय, फलटणच्या कृषी कन्यांचे आगमन

फलटण चौफेर दि २७ नोव्हेंबर २०२४ वडजल, ता. फलटण येथे महात्मा फुले कृषी विद्यापीठ राहुरी यांचे संलग्न व फलटण एज्युकेशन सोसायटी संचालित श्रीमंत शिवाजीराजे उद्यानविद्या महाविद्यालय फलटण मधील चतुर्थ वर्षातील विद्यार्थिनी शेतकऱ्यांना मार्गदर्शन करण्यासाठी दाखल झाल्या आहेत. दहा आठवडे चालणाऱ्या या कार्यक्रमामध्ये आधुनिक कृषी तंत्रज्ञानाची विविध प्रात्यक्षिके शेतकऱ्यांना दाखवली जाणार आहेत.वडजल येथील ग्रामपंचायत कार्यालयाला उद्यानकन्यांनी भेट दिली. त्यावेळी सरपंच रेश्मा ढेंबरे, उपसरपंच योगेश ढेंबरे, कृषीसहाय्यक कुंभार सर, ग्रामपंचायत सदस्य, ग्रामसेवक व समस्त ग्रामस्त मंडळ वडजल यांनी उद्यान कन्यांचे स्वागत केले.उद्यानविद्या पदवी अभ्यासक्रमाच्या अंतिम वर्षाच्या विद्यार्थ्यांसाठी हा प्रात्यक्षिकांवर आधारित उपक्रम राबविला जातो. यादरम्यान विद्यार्थी प्रत्यक्ष गावामध्ये वास्तव्य करून ग्रामीण भागातील शेतकऱ्यांना येणाऱ्या अडचणी, त्यांचा जीवनमान, सामाजिक व आर्थिक स्तर, संबंधित गावातील पिक पद्धती अशा विविध गोष्टींचा अभ्यास करणार आहेत. तंत्रज्ञानाचा उपयोग करून शेती आधारित उद्योग व्यवसाय व इतर हवामानाविषयी जास्तीत जास्त माहिती विविध अॅपद्वारे कशी संपादित करता येईल, याबाबत उद्यान कन्या निकिता आल्हाट, प्राजक्ता मुळीक, अंकिता निकम, श्वेता भोसले, श्रावणी भोसले या शेतकऱ्यांना मार्गदर्शन करणार आहेत. कृषी औद्योगिक कार्यानुभव कार्यक्रमामध्ये शेवटच्या चार आठवड्यात उद्यानकन्या कृषी आधारित उद्योगांमध्ये प्रत्यक्ष काम करण्याचा अनुभव घेतील. या कार्यक्रमासाठी महाविद्यालयाचे प्राचार्य डॉ एस.डी. निंबाळकर सर, कार्यक्रम अधिकारी डॉ. जे.व्ही. लेंभे, व डॉ. ए. आर. पाटील, कार्यक्रम समन्वयक प्रा. ए.डी. पाटील यांचे विद्यार्थिनींना मार्गदर्शन लाभणार आहे. त्याचप्रमाणे त्यादिवशी शासकिय धोरणा अंतर्गत बालविवाह प्रतिबंधक प्रतिज्ञाचा कार्यक्रम ही पार पडला.