फलटण चौफेर दि २१ ऑगस्ट २०२५ – माढा लोकसभा मतदारसंघाचे माजी खासदार रणजितसिंह नाईक-निंबाळकर यांनी आज नवी दिल्ली येथे पंतप्रधान नरेंद्र मोदी यांची सदिच्छा भेट घेतली. या भेटीत माढा मतदारसंघ तसेच राज्यातील महत्त्वाच्या प्रलंबित विकास प्रकल्पांबाबत सविस्तर चर्चा झाली.
ग्रीन इंडस्ट्रियल कॉरिडॉरचा दर्जा मिळावा
नाईकबोमवाडी व म्हसवड औद्योगिक वसाहतींना ग्रीन इंडस्ट्रियल कॉरिडॉरचा दर्जा मिळावा, अशी ठाम मागणी या वेळी करण्यात आली.
मुंबई–बंगळुरू महामार्गालगत एअरस्ट्रीप
नव्याने उभारण्यात येत असलेल्या मुंबई–बंगळुरू महामार्गालगत खटाव तालुक्याजवळ एअरस्ट्रीप उभारणीचे प्रयोजन नाईक-निंबाळकर यांनी मांडले.
फलटण–पंढरपूर रेल्वेमार्गासाठी निधी
फलटण–पंढरपूर रेल्वेमार्ग पूर्णत्वास जावा यासाठी भरीव निधीची मागणीही पंतप्रधानांकडे करण्यात आली.या मागण्यांवर सकारात्मक प्रतिसाद देत पंतप्रधान नरेंद्र मोदी यांनी प्रलंबित प्रकल्पांना तातडीने गती देण्याचे आश्वासन दिले.या प्रसंगी राज्याचे ग्रामविकास मंत्री जयकुमार गोरे उपस्थित होते. माढा लोकसभा मतदारसंघातील जनतेच्या वतीने रणजितसिंह नाईक-निंबाळकर यांनी पंतप्रधानांचे मनःपूर्वक आभार मानले.
.jpeg)
