फलटण ग्रामीण पोलिसांकडून हनीट्रॅपचा पर्दापाश महिलेसह सात जणांना अटक

 

फलटण चौफेर दि २

फलटण शहरातील एका हॉटेल व्यावसायिकाला प्रेमाच्या जाळ्यात अडकवून त्याचे अपहरण करुन त्याला निर्जन ठिकाणी घेऊन जाऊन मारहाण करन त्याच्याकडुन ४ लाख रुपये खंडणी उकळण्याचा प्रयत्न करणा-या टोळीतील एका महिलेसह सहाजणांना १२ तासांच्या आत पोलिसांनी अटक केली आहे संशयित उमेश संजय खोमणे वय २८ वर्ष, रा. खराडेवाडी, ता.फलटण, गणेश बाळु मदने वय १९ वर्ष, रा. ५सर्कल, खामगाव, ता. फलटण,कुमार उर्फ बोक्या लक्ष्मण शिंदे वय २७ वर्ष, रा. भाडळी खुर्द, ता. फलटण,जयराज उर्फ ​​स्वागत आनंदराव चव्हाण वय २६ वर्ष, रा. झिरपवाडी, ता. फलटण, आकाश काशिनाथ डांगे वय ३० वर्ष, रा. भाडळी बु ता फलटण, माया (टोपण नाव) वय ३० वर्ष व अनिल गजरे (पुर्ण नाव व पत्ता माहित नाही) अशी अटक केलेल्यांची नावे आहेत याबाबत फलटण ग्रामीण पोलीस स्थानकातून मिळालेल्या अधिक माहितीनुसार, तक्रारदार व्यावसायिकाने फलटण ग्रामीण पोलीस स्थानकात फिर्याद दिली होती की मागील चार महिन्यापासून त्यांच्या हॉटेलमध्ये एक महिला अधून मधून जेवणाचे पार्सल नेण्यासाठी येत होती. सदर महिलेचा मोबाईल क्रमांक त्यांच्याकडे होता. तिचे नाव 'माया' असे ती सांगत होते. एवढीच माहिती त्यांच्याकडे होती. सदर महिला व त्यांची ओळख झाल्यानंतर दिनांक ३० रोजी यातील तक्रारदार यांच्यासोबत ती फिरायला जाण्यासाठी तयार झाली. फिर्यादी यांनी सदर महिलेला  सुरवडी या ठिकाणावरून त्यांच्या मोटरसायकलवर घेतले. त्यानंतर त्यांनी लोणंद, वीरधरण या ठिकाणी फेरफटका मारल्यानंतर सुरक्षित लॉज शोधत होते. परंतु त्यांना सुरक्षित लॉज न मिळाल्याने ते परत येत असताना त्यांना काळज-बडेखान जवळ दोन इसमानी अडवुन "आमच्या बहिणीला घेऊन कुठे घेऊन फिरता" असे म्हणून त्यांना मारहाण केली. तसेच त्यांना गाडीवरून रस्त्याच्या बाजूला घेऊन गेले त्यावेळेस  त्याच्या सोबत असलेली महिला ही त्या ठिकाणावरून निघून गेली. त्यानंतर फिर्यादी यांना मारहाण करून रात्री अकरा वाजेपर्यंत वरील दोघेही इसम व आणखी एक इसम हे त्याच्यावर बलात्काराची केस दाखल करणार आहेत अशी धमकी देत होते. फिर्यादी यांच्याकडून बळजबरीने त्यांनी फोन पे द्वारे २६ हजार रुपये घेतले व फिर्यादी यांना उद्या आणखी ४ लाख रुपये घेऊन येण्यास सांगितले. नाही आला तर त्याचे नग्न काढलेले व बलात्कार केल्याबाबत वदवुन घेतेलेल व्हीडोओ व्हायरल करण्याची धमकी दिली.पोलिसांना एवढीच माहिती असताना पोलिसांनी गोपनीय माहिती काढून सदर महिलेचा शोध घेऊन तिला ताब्यात घेतले व तिच्याकडे कौशल्यपुर्ण तपास केला असता फलटण शहरांमधील रेकॉर्डवरील खालील गुन्हेगार तिच्यासोबतच्या कटात सामील असल्याचे तपासात निष्पन्न झाले. संशयित सदर महिलेच्या मदतीने प्रत्यक्ष फिर्यादीला लुटत होते व काही लोक हे मोबाईलद्वारे इतर आरोपींच्या संपर्कात राहून आरोपीला हनीट्रॅपमध्ये अडकून सुव्यवस्थितपणे कट करून फिर्यादी कडून पैसे काढत होते. पोलिसांनी कसून तपास करून वरील नावे निष्पन्न केलेली आहेत. व ते सराईत असल्यामुळे फरारी होण्याची शक्यता धरुन तात्काळ गोपनीयरीत्या माहिती काढून त्यांना अटक केली आहे. या टोळीने फलटण लोणंद या भागात सुद्धा अनेक लोकांना यापूर्वी हनीट्रॅपमध्ये अडकवलेले असण्याची शक्यता आहे. अशा लोकांनी आपल्या संबंधित पोलीस ठाणेशी किवा फलटण ग्रामीण पोलीस ठाण्याशी संपर्क साधण्याचे आवाहन पोलीस निरीक्षक सुनील महाडिक यांनी केले आहे